ګلناز ته سزا ورکړل شوه او جنسی تیری کونکی ته جزا!


ژباړه: بسم الله مومند

 د In-Justice يا بي عدالتۍ په نوم مستند فلم کې ګلناز په دې اړه خبرې کوي چې څرنګه د خپل کاکا د لور د خاوند لخوا پرې په وحشيانه ډول جنسي تیری وشو. په داسې حال کې چې هغه یې لاسونه او پښې يې ور تړلې وې او خوله یې ور بنده کړې وه. هغې حمل واخیست او په خپل ځان د شوي جنسي تیري راپور یې ورکړ. ددی پرځای چې له  هغې سره ددغسې ناوړه عمل پر ضد په جرات سره د غږ پورته کولو په بدل کې انصاف وشي، هغه يې په دولس کاله بند محکومه کړه. دا هر څه له هغه وروسته وشول چې د تیري کونکي کورنې وکېل او قاضي ته رشوت ورکړ. وروسته د هغې بند ۳ کالو ته راټیت کړای شو خو دا عبارت پکښی ورزیات شو چې هغه به د خپل بند د مودې د پوره کولو نه وروسته د تیري کونکي سره واده کوی..

اروپایې ټولنې په دې اړه د یو مستند فلم د جوړولو هو‌ډ وکړ خو وروسته یې بیا پړيکړه وکړه چې دا فلم باید ننداری ته وړاندې نشې ځکه چې د هغوې په وینا د فلم موضوع له ځانه سره امنیتې ستونزې لري. د اروپایي ټولنې یو کارکونکي ددغه فلم جوړونکو ته یوبريښناليک ولیږه چې ګنی ددغه فلم ښکاره کول  به زموږ او افغان دولت تر منځ د  ستونزې لامل شي. په دغه مستند فلم کې ګلناز د چپتیا د ختمولو د اهمیت په درک کولو سره وایي چې هغه به خوښه وي که چېرې دغه فلم په تلویزون وښوول شي. هغه وایي زه غواړم چې دولت دغه فلم وګورې. زه غواړم چې ټول افغانان یې وګوري. افغان قضایي ډلې د ګلناز د انصاف د ترلاسه کولو حق تر پښو لاندې کړ او اروپایي ټولنې د هغې دغه هیله چې باید غږ یې واوریدل شي سترګې پټې کړې..

دغه مستند فلم  له ښوولو بند شو خو د فعالانو یوی ډلې د ګلناز د قضیې لا نوره پلټنه وکړه. د ګلناز د آزادۍ په موښه یوه غوښتنه جوړه شوه او په یوه اوونې کې د ۵۰۰۰ کسانو لاسلیک کړه. ولسمشر کرزي یو لوړپوړی قضایي مجلس راوغوښت تر څو د ګلناز د قضیي په اړه ورسره خبرې اترې وکړي. ډیرې هیلي کېدې چې په دغه جلسه کې به د ګلناز د آزادۍ او په امن کې د ساتلو تصمیم ونیول شي، خو څه چې وشول ډیر ناهیلي کونکي وو..

ولسمشر کرزي ګلناز ته د هیڅ ګناه د نه کولو لپاره وبخښله، د جنسي تیري او زنداني کېدلو بخښنه، د بې عزته کېدلو او ګواښونو بخښنه او د انصاف د لاسته راوړلو لپاره د خپل غږ د پورته کولو د جرم بخښنه یې ورته وکړه. هغه وروسته له دغه غونډې دا اعلان هم وکړ چې په زندان کې د پاتې کېدو یا نه پاتې کېدو تصمیم باید خپله ګلناز ونیسي او په دغه ډول یې په غیر مستقیم ډول ګلناز ته دا څرنګده کړه چې صرف په زاندان کې محفوظه او په امن کې ده او که چېرته له زندانه ولاړه شي، نو دا به یې خپل تصمیم وي او د پایلو مسوله به یې هم خپله وي

هغه ددې تر څنګ، د عدلیې له وزیره وغوښتل چې له ګلناز اود هغې له  تیري کونکي سره وویني او وګوري چې آیا هغه غواړي چې به خپل ځان د تیري کونکې سره واده وکړي او خپله لور مشروع او قانوني کړي.

 دا په داسې حال کې ده چې ګلناز په خپل ځان د تیری کونکې او د هغه د کورنۍ نه په ویره کې ګڼي. د تیري کونکې اولې ميرمنې لا د وخته  دا ګواښ کړی ؤ چې  ګلناز او لور به يې ووژني.  د هغه کورنۍ هم ویلي ړه  چې هغوی به هیڅکله ګلناز د کورنۍ د بې پته کولو په خاطر  ونه بخښي. د ولسمشر د پړيکړې له مخې ګلناز دوې لارې لرې در لودې: یو دا له تيري  کونکې سره واده وکړي او یا خپلې لور سره په زاندن کې پاتې شي..

د تیري کونکې سړي د کورنۍ د فشار له وجی چې باید د هغوی عزت وساتي او اوس د ولسمشر او عدلیي وزیر د فشارونو وروسته، ګلناز و منله چې له تیري کونکي سره یې واده وکړي خو اصلي پوښتنه دا ده چې آیا دا د ګلناز رضا وه که نه. د تیري کونکي کورنۍ خو لا دې ته هم حاضر شول چې خپله لور د ګلناز ورور ته واده کړي تر څو ډاډه شې چې ګلناز به ددوی له ځوی سره واده وکړي او کور ته به يې ورځي. که چېرې مشروع ونه ګرځي نو د ګلناز لور به تبعید شی او د ټولنیزو حقوقو څخه به بې برخې وې، هغه به ونشي کولای د هویت تذکره تر لاسه کړي ځکه چې د تذکری د لاسته راوړلو لپاره د پلار معلومات ضروري دي. په دې ډول به ونشي کولای چې ښوونځی ته ولاړه شي او درس ووایی یا دیپلوم تر لاسه کړي او هیڅکله به ونشی کولای چې په قانونی ډول په دولتی ادارتو کې کار وکړي. خو د هغې د  قانونې کېدلو قیمت یې باید مور ادا کړي. ګلناز به د هغه سړی سره شپی ورځي سبا کوي چې جنسي تیری يې پرې کړی وه. زاندن ته یې رسولې او د وژلو او د هغې د بدن د له منځه وړلو ګواښ  یې ورته کړی وه. دا یې هم ورته ويلي چې که چيرې يې بر ځان د تيري خبره له نورو سره شريکه کړه نو و به وژل شي..

په هر حال جنسي تیری کونکې به اوس هم آزاد وي، خپله ښځه او خپل ژوند به لري او هغه ته به د هغه د جنایاتو سزا ورنکړل شي. خو که چېرې ګلناز د هغه سره واده وکړي، نو هغه به پر یوی ښځې د جنسي تیری کولو جزا او ګټه تر لاسه کړي وي..

د ګلناز کېسه د افغانستان په دولت او قضایي سیستم کې څو مهمو ستونزو ته اشاره کوي:

1:  د اداری فساد مسله ده چې د ګلناز د بندي کېدو او د هغې د یو داسې سړي سره د واده کولو چې تیری  يې پرې کړی دی .  دا ټول هغه مثالونه دي چې ښيي چې دولت هم د قبایلي محکمو په شان دی چې د عایشې د پزې د پریکولو امر یې کړی وو. ګلناز خپل غوږونه یا پزه د لاسه نه ورکوي خو خپل آزادي د هغه سړي سره  په واده کولو له  لاسه ورکوي چې تیری يې پرې کړی دی.

 هغه هم په دی شرط  چې د خپل راتلوونکي خاوند کور ته راشي او ونه وژل شي. که چېرې ووژل شي، نو د هغې قضیه به هم لکه ده شاعری نادیه انجمن هغې او سلګونو نورو ښځو په شان هیره شي چې سړی سالار عزت لپاره ووژل شوي دي.

 او دا به ملامته ګڼل کيږي ځکه چې دې ته په زندان کې په امن کې د ژوند تیرولو چانس ورکړل شوی وو. په دې کې هيڅ شک نشته چې له واده وروسته کله ګلناز د تيريۍ کونکي په  خدمت کې وي نو بیا پرې تیری نه کوي؟.دا ګرانه ده چې ووآيو چې آیا د هغې لور به ددغه سړي څخه په امن کې پاتې شي که نه..

ددې بې عدالتۍ د حل نورې لارې هم شته، هغه لاري چې ښکارې ولسمشر او د عدلیی وزیر یې نشۍ لیدلای. په کابل کې څو داسې پناه ځایونه شته چې د غلطو آوازو او درواغو خبرو پر خلاف پکښی د ګلناز غوندې ښځو ته امنیت او پناه ورکول کېږي.

 د مثال په ډول، اتلس کلنه صابره وروسته له دې چې د یو دوه پنځوس کلن بد رفتاره سړي سره په زور د واده نه وتښتیده  اوس د کابل په یوه پناه ځای کې اوسیږي. د صابرې په شان سلګونه نورې ښځې شته چې په افغانستان کې په  دغسی پټو پناه ځایونو کې دننه لیک لوست او لاسي څیزونو جوړول زده کوي. دوی ورو ورو بیرته له ټولني سره یوځای کېږي او ورته د اقتصادی پیاوړتیا او ثبات امکانات برابریږي. ګلناز ته هم دغه لار او امکانات برابریدای شوای، ددی پر ځای چې په زندان کې د پاتې کېدو یا د داسې سړي سره د واده کولو لار ورته وښودل شې تیری پرې کړی وه. که چېرې په کوم ځانګړی دلیل دولت دا فکر کړی وي چې دغه پناه ځایونه د ګلناز لپاره د هغې د خاوند د کورپه پرتله د امنیت وړ نه دي نو ولسمشر په ډیر ساده ډول کولای شو چې هغې ته په  یوه بهرني هیواد کې د پناه اخیستلو امکانات برابر کړي..

د ګلناز د قضیې لر منظر دادی چې که چېرې هغه د  تیري کونکې سړي سره واده وکړي، نو د خپل امنیت او آزادی د لاسه ورکولو ترڅنګ به د هغې قضیه په افغانستان کې د ښځو ضد دغه رواج نور هم پياوړی او عام  کړي. مانا هغه ميرمنې چې  جنسي تیرې پرې  شوی د هماغه سړو سره واده شي.دا عمل به هغه غیر عادلانه باور به دایمي شکل ځانته غوره کړي چې پر ښځو جنسي تیری کول د هغوی د حقوقو او عزت خلاف کار نه بلکې د کورنۍ د عزت مسله ده. په   کوم ډول چې د ګلناز قضیه د ولسمشر او نورو لخوا مخکې وړل شوه د همدغه بد رواج څرګندوي او هڅوي يې..

که چيرې  ګلناز له خپل تيري کوونکي سره واړه وکړي او دې ته حاضره وي ځکه چې بله هیڅ لار نه لري، نو دا به د نورو ښځو حقوقو ناقضینو او جنسي تیري کونکو ته یو پیغام وي. ښکاره پیغام دې چې: جنسي تیری وکړه. ولسمشر به دا یقینی کړي چې وروسته له دې چې هغه حمل راوړي او بندي شی، ته ورسره واده وکړې. لا به ښه وي، د واده له ډير مصرفه به هم بې غمه وئ!!

 

Advertisements

پاسخی بگذارید

در پایین مشخصات خود را پر کنید یا برای ورود روی شمایل‌ها کلیک نمایید:

نشان‌وارهٔ وردپرس.کام

شما در حال بیان دیدگاه با حساب کاربری WordPress.com خود هستید. بیرون رفتن / تغییر دادن )

تصویر توییتر

شما در حال بیان دیدگاه با حساب کاربری Twitter خود هستید. بیرون رفتن / تغییر دادن )

عکس فیسبوک

شما در حال بیان دیدگاه با حساب کاربری Facebook خود هستید. بیرون رفتن / تغییر دادن )

عکس گوگل+

شما در حال بیان دیدگاه با حساب کاربری Google+ خود هستید. بیرون رفتن / تغییر دادن )

درحال اتصال به %s